ឯកសារតម្រូវមានភាពខុសគ្នាអាស្រ័យលើទម្រង់សហគ្រាស និងប្រភេទអាជ្ញាបណ្ណ/វិញ្ញាបនបត្រ/លិខិតអនុញ្ញាតដែលចង់ស្នើសុំ។ សូមអានសៀវភៅមគ្គុទ្ទេសក៍។

មុខងារធ្វើបច្ចុប្បន្នភាពក្រុមហ៊ុន/សហគ្រាសពុំទាន់មានលើប្រព័ន្ធចុះបញ្ជីអាជីវកម្មតាមថ្នាលបច្ចេកវិទ្យាព័ត៌មានទេ។ សូមធ្វើបច្ចុប្បន្នភាពព័ត៌មានតាមនីតិវិធីរបស់ក្រសួង-ស្ថាប័ន​ពាក់ព័ន្ធ។

កម្មវត្ថុ និងសកម្មភាពអាជីវកម្មត្រូវតែសមស្របនឹងសកម្មភាពអាជីវកម្មជាក់ស្ដែងរបស់លោកអ្នក។ សូមទាក់ទងលេខទូរស័ព្ទ ០៨១ ៨៨៨ ២៩៦ ដើម្បីទទួលបានការប្រឹក្សាដោយឥតគិតថ្លៃ។

អត់ទេ ប៉ុន្តែលោកអ្នកមានកាតព្វកិច្ចក្នុងការផ្ដល់ព័ត៌មានពិត និងត្រឹមត្រូវ។

លោកអ្នកនឹងទទួលសារជូនដំណឹងតាមរយៈអ៊ីម៉ែល និងលើប្រព័ន្ធចុះបញ្ជីអាជីវកម្មតាមថ្នាលបច្ចេកវិទ្យាព័ត៌មាន។

ការបញ្ជូនត្រឡប់នឹងកើតឡើង ក្នុងករណីមានការផ្ដល់ព័ត៌មាន និង/ឬ ឯកសារមិនត្រឹមត្រូវ និង/ឬ មិនគ្រប់គ្រាន់ នៅក្នុងពាក្យស្នើសុំ។ ដូច្នេះ ការបញ្ជូនត្រលប់នឹងត្រូវធ្វើឡើងដោយមន្រ្តីត្រួតពិនិត្យ ដើម្បីស្នើសុំឱ្យអ្នក​ចុះបញ្ជី​ធ្វើការ​កែតម្រូវ និង/ឬបំពេញព័ត៌មាន និង/ឬ ឯកសារបន្ថែម។ រាល់ពាក្យស្នើសុំដែលត្រូវបានបញ្ជូនត្រលប់ មិនតម្រូវឱ្យអ្នកចុះ​​បញ្ជី​​ទូទាត់​​ប្រាក់ជាលើកទី ២ នោះទេ។ នៅពេលដែលពាក្យស្នើសុំនោះត្រូវបានដាក់ស្នើ​ម្ដង​ទៀត ក្រោយពីអ្នក​​ចុះ​បញ្ជី​បានផ្តល់ព័ត៌មាន និង/ឬឯកសារតាមរយៈប្រព័ន្ធហើយ ពេលវេលាត្រួតពិនិត្យ​នឹង​​ត្រូវរាប់សារឡើងវិញ។

ពាក្យស្នើសុំដែលត្រូវបានបដិសេធហើយ មិនអាចកែតម្រូវហើយដាក់​ស្នើម្ដង​ទៀតបាន​ឡើយ គឺពាក្យស្នើសុំចុះបញ្ជីនោះត្រូវបានបិទជាស្ថាពរ។ ប្រសិនបើអ្នកចុះបញ្ជីចង់ចុះ​បញ្ជី​​ឡើងវិញ, ព័ត៌មាន និងឯកសារតម្រូវដែល​ទាមទារ​​នៅក្នុងពាក្យស្នើសុំ និងការបង់​ប្រាក់​លើកទី ២ សម្រាប់ការចុះបញ្ជីអាជីវកម្ម ត្រូវតែបំពេញ និងធ្វើឡើងវិញ​ទាំងអស់។ ក្នុងករណីត្រូវការការបកស្រាយលើការបដិសេធ សូមទាក់ទងផ្ទាល់​ទៅ​​​កាន់​ក្រសួង-ស្ថាប័នដែលធ្វើការបដិសេធ តាមរយៈលេខទូរស័ព្ទ ០៨១ ៨៨៨ ២៩៦។

កម្រៃសេវាសរុបប្រែប្រួលទៅតាមទម្រង់សហគ្រាស ប្រភេទសេវា ចំនួនសកម្មភាពអាជីវកម្ម និងចំណាត់ថ្នាក់អ្នកជាប់ពន្ធ។ សូមអានសៀវភៅមគ្គុទ្ទេសក៍។

យើងខ្ញុំទទួលតែការទូទាត់តាមអនឡាញប៉ុណ្ណោះ រួមមាន Visa, Mastercard, UnionPay និង KHQR។ សម្រាប់ការទូទាត់សងប្រាក់តាមរយៈកាត​ឥណទាន​ ឬ​ឥណពន្ធរបស់ធនាគារផ្សេងពីធនាគារ ABA និងធនាគារអេស៊ីលីដា លោកអ្នកនឹងត្រូវបង់សេវាបន្ថែមចំនួន ​២,៣%​ នៃតម្លៃសរុប។

អត់ទេ។ លុយដែលត្រូវបង្វិលត្រលប់វិញ គឺធ្វើឡើងតែក្នុងករណីភាពបរាជ័យក្នុងការចុះបញ្ជី ឬស្នើសុំអាជ្ញាបណ្ណជំនាញនោះត្រូវបានបង្កឡើងដោយកំហុសរបស់ប្រព័ន្ធតែប៉ុណ្ណោះ។

ក្រសួងពាណិជ្ជកម្ម ៣ ថ្ងៃនៃថ្ងៃធ្វើការ, អគ្គនាយកដ្ឋានពន្ធដារ ៤ ថ្ងៃនៃធ្វើការ, ក្រសួងការងារ និងបណ្ដុះបណ្ដាលវិជ្ជាជីវៈ ១ ថ្ងៃនៃថ្ងៃធ្វើការ, ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ៣ ថ្ងៃនៃថ្ងៃធ្វើការ, ក្រសួងទេសចរណ៍ ៧​ ថ្ងៃនៃថ្ងៃធ្វើការ, ក្រសួងប្រៃសណីយ៍ និងទូរគមនាគមន៍ ៧ ថ្ងៃនៃថ្ងៃធ្វើការ, និយ័តករអាជីវកម្មអចលនទ្រព្យ និងបញ្ចាំ ៧ ថ្ងៃនៃថ្ងៃធ្វើការ, និយ័តករធានារ៉ាប់រងកម្ពុជា​ ៣ ថ្ងៃនៃថ្ងៃធ្វើការ។

សម្រាប់ការចុះបញ្ជីពាណិជ្ជកម្ម សូមតម្កល់លក្ខន្តិកៈក្រុមហ៊ុនចំនួន ២ ច្បាប់នៅក្រសួងពាណិជ្ជកម្ម។ លក្ខន្តិកៈនោះនឹងត្រូវបានវាយត្រា។ ប្រសិនបើលោកអ្នកត្រូវការលក្ខន្តិកៈដែលវាយត្រានោះសម្រាប់ការបើកគណនីធនាគារ ឬប្រើប្រាស់ផ្សេងៗ សូមយកលក្ខន្តិកៈទៅបន្ថែម។ សម្រាប់អាជ្ញាបណ្ណ/វិញ្ញាបនបត្រ/លិខិតអនុញ្ញាតទាំងអស់ លោកអ្នកអាចទាញយក និងបោះពុម្ពចេញពីប្រព័ន្ធសម្រាប់ប្រើប្រាស់។

អាជ្ញាបណ្ណ/វិញ្ញាបនបត្រ/លិខិតអនុញ្ញាតឌីជីថលមានសុពលភាពផ្លូវច្បាប់ពេញលេញ ប៉ុន្តែបើលោកអ្នកត្រូវការឯកសារបោះពុម្ព (Hard Copies) សូមទាក់ទងទៅកាន់ក្រសួង-ស្ថាប័ន។

លោកអ្នកអាចទាញយក និងបោះពុម្ពម្ដងទៀតចេញពីប្រព័ន្ធបាន។