Author Archive

ធុរជនដែលបានចុះបញ្ជីអាជីវកម្មបានសម្រេច មានកាតព្វកិច្ចបង្កើតគណនីធនាគារក្រុមហ៊ុនសម្រាប់ធ្វើប្រតិបត្តិការចំណូលចំណាយ និងស្នើសុំអាជ្ញាបណ្ណជំនាញសម្រាប់អាជីវកម្មពីក្រសួង-ស្ថាប័នពាក់ព័ន្ធ។

នៅក្នុងអគារកម្ពស់មិនតិចជាង  ១០ ជាន់នៅតំបន់ជ្រោយចង្វារ ពួកយើងបានណាត់ជួប លោក អៀ អ៊ុយ សហស្ថាបនិកនៃក្រុមហ៊ុន សប្បាយអស្ចារ្យ នៅការិយាល័យមជ្ឈមណ្ឌលបណ្ដុះធុរកិច្ចថ្មី «តេជោ»។ ក្រុមហ៊ុនសប្បាយអស្ចារ្យ ជាក្រុមហ៊ុនដែលផ្ដល់សេវាផលិតគំនូរជីវចល និងផលិតកម្មវិធីកំសាន្តសម្រាប់ទូរស័ព្ទដៃ។

នីតិវិធីចុះបញ្ជីអាជីវកម្មថ្មីនៅប្រទេសកម្ពុជា ធ្លាប់ជានីតិវិធីមួយដែលស្មុគស្មាញ ដែលធ្វើឱ្យម្ចាស់អាជីវកម្ម និងធុរជនចំណាយពេលវេលា និងថវិកាច្រើន ដោយម្ចាស់អាជីវកម្ម និងធុរជនត្រូវចំណាយពេលបំពេញព័ត៌មាន ផ្តល់ឯកសារដដែលៗ និងត្រូវធ្វើដំណើរទៅកាន់ក្រសួង-ស្ថាប័នពាក់ព័ន្ធដើម្បីដាក់ស្នើសុំចុះបញ្ជី។ ព័ត៌មាន និងផ្តល់ឯកសារដែលម្ចាស់អាជីវកម្ម និងធុរជនបានផ្តល់ជូនមិនត្រូវបានចែករំលែកជាមួយក្រសួង-ស្ថាប័នពាក់ព័ន្ធនោះទេ។

បើទោះបីជាប្រព័ន្ធចុះបញ្ជីអាជីវកម្ម តាមថ្នាលបច្ចេកវិទ្យាព័ត៌មានបានផ្តល់ភាពងាយស្រួល ដល់ម្ចាស់អាជីវកម្ម និងធុរជន ក្នុងការចុះបញ្ជីអាជីវកម្មជាងមុនក៏ពិតមែន យើងខ្ងុំមានគន្លឹះមួយចំនួនដើម្បីឱ្យបទពិសោធន៍ចុះបញ្ជីរបស់លោកអ្នកកាន់តែមានភាពល្អប្រសើរ និងប្រព្រឹត្តទៅដោយរលូន។

ការចុះបញ្ជីអាជីវកម្មត្រូវបានម្ចាស់អាជីវកម្ម/សហគ្រាសគិត និងមើលឃើញថាជានីតិវិធីមួយដែលស៊ាំញាំ និងមិនចាំបាច់សម្រាប់អាជីវកម្មរបស់ខ្លួន ដោយផ្អែកលើគោលគំនិតថាអាជីវកម្មរបស់ខ្លួនមានលក្ខណៈជាអាជីវកម្មគ្រួសារ និងមានទំហំតូច។ ចំណែកឯម្ចាស់អាជីវកម្ម/សហគ្រាសមួយចំនួនតែងតែគិតថាការចុះបញ្ជីអាជីវកម្មគឺជាកាតព្វកិច្ចតាមផ្លូវច្បាប់ដែលជាតម្រូវការចាំបាច់ ប៉ុន្តែម្ចាស់អាជីវកម្ម/សហគ្រាសមិនទាន់ជ្រាបពីផលប្រយោជន៍ផ្សេងៗស្តីពី​​ការចុះបញ្ជីអាជីវកម្មនោះទេ។